Categorized | ARABIC

OpenGovTN هناني و

شعار “حل” ، ريتو محطوت قدام  نواب المعارضة في المجلس التـاسيسي .. وحطيتو أنا صورة البروفيل متاعي في الفايس بوك .. كنت نتصوروا شعار موجّه لنواب النهضة وبعض نواب المؤتمر والتكتّل باش يحلوا مخهم ويفهموا شويا معنى الديمقراطية و دور المعارضة .. خاصة بعد ما شفنا الهجمة الكبيرة متاع أحزاب الترويكا على المعارضة وبروز شعار  ”المعارضةش تحط العصا في العجلة”ج

الغريب أنو مانيش كان أنا من أمثالي  فهمت هكا.. أما جماعة الترويكا في الفايس بوك فهمت شيء آخر، وعملوا حملة على جماعة “حل” واتهموهم  بالعمل على  (حل) اسقاط الحكومة ..  ونتصوّر حكاية “حل” هي  دليل اتهام  زيتون الوزيرالمستشار عند رئيس الحكومة  بوجود مؤامرة  هههه

الله غالب هذاكا حد مخاخنا ، خاصة وأحنا مستانسين بكلمة “الشفافية”  ..  لكن منذ مدة قصيرة فهمت إلى شعار “حل” طلع شعار” مجموعة “الشفافية ومشاركة المواطن في إدراة شؤون الدولة” يعني أن الحكومة لازم تكون مخها محلول .. حكومة مفتوحة  وتحط المعلومات الكل في النور على ذمة الشعب باش يعرفها ويشارك فيها .. وهكا تكفي المواطنين شر الشك والإشاعات ، والقتال بين عقليات المدافع الأعمى والمعارض الضايع

رئاسة الحكومة عملت ندوة يومي 28 و29 مارس 2012 مع البنك الدولي ، حضروا قرابة 100 شخص : جماعة من الإتحاد الأوروبي وجماعة من الإدارة التونسية وثلاثة جمعيات مدنية موش أكثر .. الخبر ما سمعت بيه كان قبل  بداية كتابة التدوينة من صفحة “أوبن قوف” تونس

  لا الإعلام المرئي تحدّث على الندوة ولا صارت نقاشات في الموضوع .. زعما يكونوش خايفين من زيتون؟ وتكونش الحكومة فهمت  ”الحكومة المفتوحة والنفاذ للمعلومة ” ، “الخبر مات هنا” خاصة وهي لاهية بتغيير الولاة الموجودين بولاة نهضاوية؟ا

Comments

comments

Hnani

Comments are closed.

إكتب تونسي

Photo of the Day

beji

Twitter